ദേളി: ഇരുപത്തിയഞ്ചാം രാവില് ലൈലത്തുല് ഖദ്റിന്റെ പുണ്യം പ്രതീക്ഷിച്ച് നാടിന്റെ നാനാ ദിക്കുകളില് നിന്ന് എത്തിച്ചേര്ന്ന വിശ്വാസികള് സഅദിയ്യയുടെ പ്രവിശാലമായ തീരത്ത് ശുഭ്രസാഗരം തീര്ത്തു. ദേളി ജാമിഅ സഅദിയ്യ അറബിയ്യയില് ബുധനാഴ്ച നടന്ന പ്രാര്ത്ഥനാ സമ്മേളനം വിശുദ്ധ റമളാനില് ജില്ലയില് നടന്ന ഏറ്റവും വലിയ ആത്മീയ സംഗമമായി മാറി.
നരക മുക്തിയും സ്വര്ഗീയ സൗഭാഗ്യവും തേടി സ്വലാത്തും ദിക്റും സമൂഹ പ്രാര്ത്ഥനയു മായി രാവിനെ പകലാക്കി മാറ്റുകയായിരുന്നു വിശ്വാസികള്. സയ്യിദ് ഫസല് കോയമ്മതങ്ങളുടെ നേതൃത്വത്തില് മണിക്കൂറിലേറെ നീണ്ട ദുആ സദസ്സിനു ശേഷം അര്ധ രാത്രി പിന്നീട്ടാണ് പരിപാടി സമാപിച്ചത്.
അസര് നിസ്കാരാനന്തരം നടന്ന ജലാലിയ്യ ദിക്റ് ഹല്ഖക്ക് സയ്യിദ് സൈനുല് ആബിദീന് മുത്തുക്കോയ തങ്ങള് കണ്ണവം നേതൃത്വം നല്കി അയ്യായിരത്തോളം ആളുകള് സംഗമിച്ച സമൂഹ നോമ്പ് തുറ ശ്രദ്ധേയമായി. പള്ളിയല് നടന്ന തറാവീഹ്- തസ്ബീഹ് -വിത്റ് നിസ്കാരങ്ങളില് ആയിരങ്ങള് പങ്കാളികളായി. തൗബ മജ്ലിസിന് സയ്യിദ് ഇബ്രാഹീം പൂകുഞ്ഞി തങ്ങള് അല്ഐദ്രൂസി കല്ലക്കട്ട നേതൃത്വം നല്കി. എം അലികുഞ്ഞിമുസ്ലിയാര് ശിറിയ്യ, എ.പി അബ്ദുല്ല മുസ്ലിയാര് മാണിക്കോത്ത്, എന്. എം അബ്ദുറഹ്മാന് മുസ്ലിയാര് ചെമ്പരിക്ക, പി.ബി. അബ്ദുറസാഖ് എം.എല്.എ, എന്.എ.നെല്ലിക്കുന്ന് എം.എല്.എ, , പാദൂര് കുഞ്ഞാമു, ബി.എസ് അബ്ദുല്ലക്കുഞ്ഞി ഫൈസി, പള്ളങ്കോട് അബ്ഡദുല് ഖാദിര് മദനി, പി.ബി. അഹ് മദ് ഹാജി, സി. അബ്ദുല്ല മുസ് ലിയാര്, ടി.സി. മുഹമ്മദ് കുഞ്ഞി ഹാജി, ബോവിക്കാനം അബ്ദുല്ല ഹാജി, കൊല്ലമ്പാടി അബ്ദുല് ഖാദിര് സഅദി, മൊയ്തു സഅദി ചേരൂര്, ഏണിയാടി അബ്ദുല് കരീം സഅദി, ഹാജി അബ്ദുല്ല ഹുസൈന് കടവത്ത്, ഷാഫി ഹാജി കീഴൂര്, സൂലൈമാന് കരിവെള്ളൂര്, മുല്ലച്ചേരി അബ്ദുല് ഖാദിര് ഹാജി, ചിത്താരി അബ്ദുല്ല ഹാജി, ബേര്ക്ക അബ്ദുല്ല ഹാജി, അബ്ദുല് ഹമീദ് മൗലവി ആലംമ്പാടി, സിദ്ധീഖ് സിദ്ധീഖി, ഹമീദ് പരപ്പ തുടങ്ങിയവര് സംബന്ധിച്ചു.അയ്യൂബ്ഖാന് സഅദി കൊല്ലം സ്വാഗതവും പാറപ്പള്ളി ഇസ് മാഈല് സഅദി നന്ദിയും പറഞ്ഞു
No comments:
Post a Comment