നാദാപുരം : ജനങ്ങളെ കുരുതി കൊടുത്തും സ്വത്തുവകകള്‍ നഷ്ടടപ്പെടുത്തിയുമുള്ള രാഷ്ട്രീയ പ്രവര്‍ത്തനം വര്‍ഗീയ ശക്തികള്‍ക്ക് വളരാന്‍ അവസരമൊരുക്കുമെന്ന് അഖിലേന്ത്യാ സുന്നി ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ പി അബൂബക്കര്‍ മുസ്ലിയാര്‍ പ്രസ്താവിച്ചു. കേരള യാത്രക്ക് കോഴിക്കോട് ജില്ലയിലെ വിവിധ കേന്ദ്രങ്ങളില്‍ നല്‍കിയ സ്വീകരണ സമ്മേളനങ്ങളില്‍ സംസാരിക്കുകയായിരുന്നു അദ്ദേഹം.
അക്രമ രാഷ്ട്രിയം പാര്‍ലമെന്ററി രാഷ്ട്രിയത്തിലുള്ള ജനങ്ങളുടെ വിശ്വാസ്യതയെ സാരമായി ബാധിക്കുന്നുണ്ട് എന്ന് വേണം കരുതാന്‍. ഇത്തരം പ്രദേശങ്ങളില്‍ നടക്കുന്ന തിരഞ്ഞെടുപ്പ് പ്രക്രിയകകളില്‍ കുറഞ്ഞു വരുന്ന ജനപങ്കാളിത്തം രാഷ്ട്രിയ പാര്‍ട്ടികള്‍ ഗൗരവത്തോടെ കാണണം. പൗരസമൂഹത്തില്‍ രാഷ്ട്രിയബോധം വളര്‍ത്താന്‍ ഉത്തരവാദിത്തപ്പെട്ടവര്‍ തന്നെയാണ് ജനങ്ങളെ അരാഷ്ട്രീയ വാദത്തിലേക്ക് നയിക്കുന്നത് .
ജനങ്ങളുടെ വിശ്വാസ്യത വീണ്ടെടുക്കാനുള്ള പ്രവര്‍ത്തനങ്ങളില്‍ രാഷ്ട്രിയ പ്രസ്ഥാനങ്ങള്‍ ശ്രദ്ധ ചെലുത്തണം. അല്ലാത്ത പക്ഷം നമ്മുടെ ജനാധിപത്യ സംവിധാനങ്ങള്‍ ദുര്‍ബലപ്പെട്ടുപോകും വൈകാരികമായ രാഷ്ട്രിയബോധാമല്ല, മറിച്ചു ചരിത്രപരവും സാമൂഹിക ശാസ്ത്രപരവുമായ രാഷ്ട്രിയ സക്ഷാരതയവണം നമ്മെ നയിക്കേണ്ടത് -കാന്തപുരം കൂട്ടിച്ചേര്‍ത്തു.
No comments:
Post a Comment