തൃശൂര്: സംസ്ഥാന സര്ക്കാര് ഈയിടെ പ്രഖ്യാപിച്ച മദ്യനയം പുന: പരിശോധനക്കു വിധേയമാക്കണമെന്ന് എസ്.വൈ.എസ് സംസ്ഥാന പ്രവര്ത്തക സമിതി യോഗം ആവശ്യപ്പെട്ടു. മദ്യം ഘട്ടം ഘട്ടമായി നിരോധിക്കാനുള്ള നിലപാട് സ്വാഗതാര്ഹമാണ്. പക്ഷേ, പ്രഖ്യാപിതനയം ആശങ്കാജനകവും മദ്യവ്യാപനത്തിന് അവസരമൊരുക്കുന്നതുമാണെന്ന് യോഗം വിലയിരുത്തി.
ഘട്ടം ഘട്ടമായി സമ്പൂര്ണ മദ്യനിരോധനം ഏര്പ്പെടുത്താന് ഭരണകൂടങ്ങള് ആര്ജ്ജവം കാണിക്കണമെന്നും ഇതിന്റെ ഭാഗമായി ലഹരി വസ്തുക്കളുടെ നിയന്ത്രണാധികാരം തദ്ദേശ സ്വയംഭരണ സ്ഥാപനങ്ങള്ക്ക് നല്കണമെന്നും യോഗം ആവശ്യപ്പെട്ടു. എസ്.വൈ.എസ് ‘സ്വാന്തനം’ ജീവകാരുണ്യ കര്മ്മപദ്ധതികള്ക്ക് യോഗം അന്തിമരൂപം നല്കി. എ.പി അബ്ദുല് ഹക്കീം അസ്ഹരി ചെയര്മാനും ജി. അബൂബക്കര് ജനറല് കണ്വീനറുമായി സ്റ്റേറ്റ് സ്വാന്തന സമിതിക്ക് രൂപം നല്കി.
സംസ്ഥാന ഉപാധ്യക്ഷന് സയ്യിദ് ഉമറുല് ഫാറൂഖ് അല് ബുഖാരി അധ്യക്ഷത വഹിച്ചു. സയ്യിദ് അലി ബാഫഖി, സയ്യിദ് ഇബ്രാഹിം ഖലീലുല് ബുഖാരി, എ. അഹ്മദ് കുട്ടി ഹാജി എറണാകുളം, എന്. അലി അബ്ദുല്ല, മജീദ് കക്കാട്, സി.പി സൈതലവി മാസ്റ്റര്, മുഹമ്മദ് പറവൂര് ചര്ച്ചകള്ക്ക് നേതൃത്വം നല്കി. പേരോട് അബ്ദുറഹ്മാന് സഖാഫി സ്വാഗതവും വണ്ടൂര് അബ്ദുറഹ്മാന് ഫൈസി നന്ദിയും പറഞ്ഞു
http://www.syskerala.com/
No comments:
Post a Comment