ദുബൈ: ഷാർജയിൽ ഗ്യാസ്‌ സിലിണ്ടർ അപകടത്തിൽ പെട്ട്‌ മരണപ്പെട്ട ചാവക്കാട്‌ അഞ്ചങ്ങാടി സ്വദേശി ചിനക്കൽ റശീദിന്റെ (36) മയ്യിത്ത്‌ ഇന്നലെ നാട്ടിലെത്തിച്ച്‌ മറവ്‌ ചെയ്തു. 10 ദിവസത്തോളം കുവൈത്ത്‌ ആശുപത്രിയിൽ ചികിൽസയിലായിരുന്നപ്പോഴാണു മരണം സംഭവിച്ചതു. സജീവ എസ്‌.എസ്‌.എഫ്‌. പ്രവർത്തകനായിരുന്നു. ഭാഗികമായി ബധിരനും കൂടിയായിരുന്നു അദ്ദേഹം. സാധുകുടുംബത്തിലെ ഒരു പെൺകുട്ടിയാണു ഭാര്യ. അദ്ദേഹത്തിനു രണ്ട്‌ ആൺകുട്ടികളുണ്ട്‌. (വയസ്സ്‌ 4,7) കുട്ടികളുടെ വിദ്യാഭ്യാസം ചാവക്കാട്‌ ഇസ്ലാമിക്‌ ദഅ‍്‌വാ കൗൺസിൽ (ഐ.ഡി.സി.) ഏറ്റെടുത്തിട്ടുണ്ട്‌. അദ്ദേഹം ഭാര്യയുടെ സ്വർണ്ണം വിറ്റ്‌ ചെറിയൊരു വീടിനു തറ പണിതിട്ട്‌ മൂന്ന്‌ മാസം മുമ്പാണു നാട്ടിൽ നിന്നു വന്നത്‌. നാലു വർഷമായി 1200 ശമ്പളത്തിൽ ജോലി ചെയ്യുന്നു. ഷാർജയിൽ ബന്ധുവിന്റെ കടയിൽ ജോലി ചെയ്തു വരികയായിരുന്നു. ബന്ധുവിനു നാലു സഹോദരിമാരാണുള്ളത്‌. മൃതദേഹം നാട്ടിൽ കൊണ്ടുപോകാൻ ആർ.എസ്‌.സി. പ്രവർത്തകരും കെ.എം.സി.സി. പ്രവർത്തകരും കഠിന പ്രയത്നം നടത്തി.
ഷാർജ രിസാല സ്റ്റഡി സർക്കിൾ പ്രവർത്തകർ അദ്ദേഹത്തിന്റെ കുടുംബത്തെ സഹായിക്കാൻ തീരുമാനിച്ചിട്ടുണ്ട്‌. ഏവരുടെയും അകമഴിഞ്ഞ സഹായം പ്രതീക്ഷിക്കുന്നു.
കൂടുതൽ വിവരങ്ങൾക്ക്‌ 0504583849
1 comment:
റഷീദിന്റെ കുടുംബത്തെ സഹായിക്കുക
Post a Comment