സയ്യിദ് ഹുസൈൻ ശിഹാബ് ആറ്റക്കോയ തങ്ങൾമലപ്പുറം: മലയാളിയുടെ ആദർശ വായന എന്ന ശീർഷകത്തിൽ എസ് വൈ എസ് സംസ്ഥാന വ്യാപകമായി നടത്തുന്ന സാഹിത്യ പ്രചാരണ ഭാഗമായി സംഘടനയുടെ മുഖപത്രമായ `സുന്നി വോയ്സ്` വരിചേർക്കുന്നതിന്റെ ഒന്നാംഘട്ടം ജില്ലയിൽ പൂർത്തിയായി. മത, സാംസ്കാരിക-സാമൂഹിക-രാഷ്ട്രീയ രംഗത്തെ പ്രമുഖരെ വരിചേർക്കുന്നതിനാണ് ഒന്നാംഘട്ടത്തിൽ ഊന്നൽ നൽകിയത്. ഈ മാസം പത്തിനകം പൂർത്തിയാവുന്ന രണ്ടാംഘട്ടത്തിൽ പൊതുജനങ്ങളെയും പ്രവർത്തകരെയും കേന്ദ്രീകരിച്ചുള്ള പ്രവർത്തനമാണ് നടത്തുക. കെട്ടിലും മട്ടിലും പരിഷ്കരിച്ച പതിപ്പിന് വൻ സ്വീകാര്യതയാണ് ജനങ്ങളിൽ നിന്നും ലഭിച്ചു കൊണ്ടിരിക്കുന്നത്. യൂണിറ്റിന് ശരാശരി 33 ആണ് വരിചേർക്കാൻ നിർദ്ദേശിച്ചെതെങ്കിലും ജില്ലയിലെ നിരവധി യൂണിറ്റുകൾ നൂറിലധികം പൂർത്തീകരിച്ച് പ്രഥമ ഘട്ടത്തിൽ തന്നെ വൻ മുന്നേറ്റമാണ് നടത്തിയിട്ടുള്ളത്. പഞ്ചായത്ത്തല ഏഴംഗ പ്രചരണ സമിതിയാണ് പ്രവർത്തനങ്ങൾക്ക് നേതൃത്വം നൽകുന്നത്. 33 പൂർത്തീകരിക്കുന്ന യൂണിറ്റുകൾക്കും, ശരാശരിക്ക് മുകളിൽ ഏറ്റുവും കൂടുതൽ ചേർക്കുന്ന യൂണിറ്റുകൾക്കും, പരിധിയിലെ യൂണിറ്റുകളുടെ അനുപാതമനുസരിച്ച് പഞ്ചായത്ത്, മേഖലാ കമ്മിറ്റികൾക്കും ക്യാമ്പയിൻ ഭാഗമായി അവാഡുകൾ ഏർപ്പെടുത്തിയിട്ടുണ്ട്.
മുസ്ലിംലീഗ്ജനറൽ സെക്രട്ടറി പി കെ കുഞ്ഞാലികുട്ടി
എ പി അനിൽകുമാർ എം എൽ എപ്രഥമഘട്ട പ്രവർത്തനങ്ങൾ അവലോകനം ചെയ്യുന്നതിനായി അടുത്ത ഏഴിന് ജില്ലാ കമ്മിറ്റി ആഭിമുഖ്യത്തിൽ മേഖല ജനറൽ സെക്രട്ടറി, ദഅ്വ പ്രസിഡന്റ്, സെക്രട്ടറിമാരുടെ യോഗം വാദീസലാമിൽ നടക്കും.
www.ssfmalappuram.com
