Thursday, December 25, 2008

പ്രചരണബോര്‍ഡ്‌ നശിപ്പിച്ചവര്‍ നന്‍മയുടെ ശത്രുക്കള്‍: മുസ്ലിംലീഗ്‌

മുസ്ലിംലീഗുകാര്‍ സ്ഥാപിച്ച മര്‍കസ്‌ ബാനര്‍ എസ്കെ.എസ്‌ എസ്.‌എഫുകാര്‍ നശിപ്പിച്ചു


മൊഗ്രാല്‍പുത്തൂര്‍: മൊഗ്രാല്‍പുത്തൂര്‍ പഞ്ചായത്തിലെ മൂന്നാംവാര്‍ഡ്‌ മുസ്ലിംലീഗ്‌, യൂത്ത്ലീഗ്‌, എംഎസ്‌എഫ്‌, എസ്ടിയു കമ്മിറ്റി കോട്ടക്കുന്ന്‌ ജുമാ മസ്ജിദിനു സമീപം സ്ഥാപിച്ച മര്‍കസ്‌ പ്രചാരണബാനര്‍ ഒരുകൂട്ടം എസ്കെഎസ്‌എസ്‌ എഫുകാര്‍ കഴിഞ്ഞദിവസം രാത്രി നശിപ്പിക്കുകയും തീയിട്ട്‌ കത്തിക്കുകയും ചെയ്തു. എസ്കെഎസ്‌എസ്‌എഫ്‌ പ്രവര്‍ത്തകരായ സുബൈര്‍, അശ്‌റഫ്‌, ലത്തീഫ്‌, റിയാസ്‌ എന്ന മമ്മു, മൊയ്തീന്‍ എന്ന ജലീല്‍, കാസിം തുടങ്ങിയ ഒരു കൂട്ടം സാമൂഹികദ്രോഹികളാണ്‌ നശിപ്പിച്ചതെന്ന്‌ മുസ്ലിംലീഗ്‌ ഭാരവാഹികള്‍ ആരോപിച്ചു. സ്ഥലത്ത്‌ ബാനര്‍ കത്തിച്ചശേഷം എസ്കെഎസ്‌എസ്‌എഫിന്റെ പതാക സ്ഥാപിക്കുകയും ചെയ്തു. സമാധാനത്തോടെ ജീവിക്കുന്ന ജനങ്ങള്‍ക്കിടയില്‍ സംഘര്‍ഷാവസ്ഥ സൃഷ്ടിച്ച്‌ ഭീതി പരത്തി സമാധാനം തകര്‍ക്കാനുള്ള ഇരുട്ടിന്റെ മറവിലുള്ള ശക്തികളെ വെളിച്ചത്തുകൊണ്ടുവരണമെന്ന്‌ എസ്‌എസ്‌എഫ്‌ കോട്ടക്കുന്ന്‌ യൂനിറ്റ്‌ കമ്മിറ്റി ആവശ്യപ്പെട്ടു. 24/12/2008


പ്രചരണബോര്‍ഡ്‌ നശിപ്പിച്ചവര്‍ നന്‍മയുടെ ശത്രുക്കള്‍: മുസ്ലിംലീഗ്‌

മൊഗ്രാല്‍പുത്തൂര്‍: മര്‍കസ്‌ സമ്മേളന പ്രചാരണര്‍ഥം മൊഗ്രാല്‍പുത്തൂര്‍ പഞ്ചായത്തിലെ കോട്ടക്കുന്നില്‍ മൂന്നാംവാര്‍ഡ്‌ മുസ്ലിംലീഗും പോഷക സംഘടനകളും സ്ഥാപിച്ച ബോര്‍ഡ്‌ നശിപ്പിച്ചത്‌ സാമൂഹിക ദ്രോഹികളായ ഒരു കൂട്ടം നന്മയുടെ ശത്രുക്കളാണെന്ന്‌ മുസ്ലിംലീഗ്‌ വാര്‍ഡ്‌ കമ്മിറ്റി സെക്രട്ടറി അഭിപ്രായപ്പെട്ടു. പരസ്പരം ഭിന്നിച്ച്‌ പഴിചാരുന്നതിനു പകരം ഐക്യം വിളിച്ചോതി മുസ്ലിംലീഗ്‌ സ്ഥാപിച്ച ബോര്‍ഡ്‌ കേരളത്തിലെങ്ങും ചര്‍ച്ച ചെയ്യപ്പെട്ടിരുന്നു. ഇതില്‍ വിറളി പൂണ്ട്‌ ഐക്യം ആഗ്രഹിക്കാത്തവരാണ്‌ ഈ ഹീനമായ നടപടിക്ക്‌ മുതിര്‍ന്നത്‌. കോട്ടക്കുന്നില്‍ രാത്രികാലങ്ങളില്‍ വിഹരിക്കുന്ന സാമൂഹ്യദ്രോഹികളെ സംഘടിപ്പിച്ച്‌ എസ്കെഎസ്‌എസ്‌എഫ്‌ കമ്മിറ്റി രൂപവത്കരിച്ചിരുന്നു. ഇസ്ലാമിക്‌ സംഘടനയുടെ പേരില്‍ ഇത്തരം സാമൂഹികദ്രോഹികളെ സംഘടിപ്പിച്ച്‌ അശാന്തി പരത്തലാണോ സംഘടനയുടെ ധര്‍മ്മമെന്ന്‌ നേതാക്കള്‍ വ്യക്തമാക്കണമെന്ന്‌ അദ്ദേഹം ആവശ്യപ്പെട്ടു. ഈയിടെയായി കോട്ടക്കുന്നില്‍ എസ്‌.കെ നടത്തിയ പരിപാടിയില്‍ മഹല്ലുകള്‍ കീഴടക്കുന്നതായി പ്രഖ്യാപിച്ചിരുന്നു. അവരുടെ ഒത്താശയോടെയുള്ള മഹല്ലുകള്‍ കീഴടക്കലാണോ ഇതെന്നും വ്യക്തമാക്കണം. ഇരുളിന്റെ മറവില്‍ വിഹരിക്കുന്നവര്‍ ആരായാലും തിരിച്ചറിഞ്ഞ്‌ നിയമത്തിന്റെ മുന്നില്‍ കൊണ്ടുവന്ന്‌ സമാധാനം നിലനിര്‍ത്താന്‍ എല്ലാവരും സഹകരിക്കണമെന്നും അദ്ദേഹം ആവശ്യപ്പെട്ടു. 24/12/2008

http://www.ssfmalappuram.com/

1 comment:

പ്രചാരകന്‍ said...

മുസ്ലിംലീഗുകാര്‍ സ്ഥാപിച്ച മര്‍കസ്‌ ബാനര്‍ എസ്കെ.എസ്‌ എസ്.‌എഫുകാര്‍ നശിപ്പിച്ചു

......

പ്രചരണബോര്‍ഡ്‌ നശിപ്പിച്ചവര്‍ നന്‍മയുടെ ശത്രുക്കള്‍: മുസ്ലിംലീഗ്‌

Related Posts with Thumbnails