സമസ്ത കേന്ദ്ര മുശാവറ അംഗം എടക്കര വി.എന്‍ ബീരാന്‍കുട്ടി മുസ്ലിയാര്‍(88) നിര്യാതനായി. കോഴിക്കോട്‌ സ്വകാര്യ ആശുപത്രിയില്‍ ചൊവ്വാഴ്ച വൈകുന്നേരം 3.30നായിരുന്നു അന്ത്യം. ജനാസ ബുധനാഴ്ച രാവിലെ പത്ത്‌ മണിക്ക്‌ എടക്കര പാലത്തിങ്ങല്‍ ജുമാമസ്ജിദ്‌ ഖബര്‍സ്ഥാനില്‍ മറവുചെയ്യും. കാളികാവ്‌ പഞ്ചായത്തിലെ വെള്ളയൂര്‍ പ്രദേശത്ത്‌ നെച്ചിയില്‍ അഹമ്മദ്‌ കുട്ടി മുസ്ലിയാരുടെയും ഹലീമയുടെയും മകനായി 1923 ലാണ്‌ ജനനം. ചുങ്കത്തറയിലും ഇപ്പോള്‍ എടക്കരയിലും താമസിച്ചു വരികയായിരുന്നു. നിലമ്പൂര്‍ മജ്മഉസ്സഖാഫത്തില്‍ ഇസ്ലാമിയ്യ വൈസ്‌ പസിഡന്റും എടക്കര അല്‍ അഷര്‍ ഇസ്ലാമിക്‌ എജ്യൂക്കേഷനല്‍ സെന്റര്‍ സ്ഥാപക പ്രസിഡന്റുമായിരുന്നു. തലക്കടത്തൂര്‍, പാണ്ടിക്കാട്‌, വണ്ടൂര്‍, പെരിന്തല്‍മണ്ണ, വേങ്ങൂര്‍, പള്ളിശേ്ശരി എന്നിവിടങ്ങളില്‍ മതവിദ്യ അഭ്യസിച്ച ഉസ്താദ്‌ ഉപ്പട, വഴിക്കടവ്‌, വെട്ടിക്കാട്ടിരി, കാരപ്പുറം, വെള്ളയൂര്‍ തുടങ്ങിയ സ്ഥലങ്ങളില്‍ ഖാസിയും മുദരിസുമായി സേവനമനുഷ്ടിച്ചിട്ടുണ്ട്‌.
read more news at http://www.ssfmalappuram.com/
No comments:
Post a Comment